सुर्खेत, राउटे समुदायका सदस्यलाई प्राथमिक उपचारसम्बन्धी तालिम प्रदान गरिएको छ।
सुर्खेतको लेकबेशी नगरपालिकाअन्तर्गत वन क्षेत्रमा बसोबास गर्दै आएका १५ जना राउटे समुदायका सदस्य तालिममा सहभागी भएका थिए। सहभागीमध्ये महिला र पुरुष दुवै रहेका छन्।
तालिममा सामान्य चोटपटकको उपचार, आकस्मिक अवस्थाको प्रारम्भिक व्यवस्थापन तथा आवश्यक सावधानीबारे जानकारी दिइएको जनाइएको छ। कार्यक्रम सामाजिक विकास मन्त्रालयको सहयोगमा नेपाल रेडक्रस सोसाइटीमार्फत सञ्चालन गरिएको हो।
