कागेश्वरी मनोहरा नगरपालिकाले भूमि व्यवस्था तथा अभिलेख विभाग र सम्बन्धित निकायसँग समझदारीपत्रमा हस्ताक्षर गरी नगरपालिकाकै कार्यालयबाट मालपोतसम्बन्धी जग्गा प्रशासन सेवा सञ्चालन गर्ने व्यवस्था गरेको छ।
शहरी विकास मन्त्रालयको सभाहलमा सम्पन्न हस्ताक्षर समारोहमा भूमि व्यवस्था, सहकारी तथा गरिबी निवारण मन्त्री, विभागीय महानिर्देशक, सम्बन्धित मालपोत कार्यालय प्रमुख तथा मन्त्रालयका अधिकारीहरूको उपस्थिति रहेको थियो।
सम्झदारीअनुसार नगरपालिकाबाट जग्गा नामसारी, दर्ता तथा अभिलेख व्यवस्थापनलगायतका सेवाहरू प्रदान गरिनेछ। यस व्यवस्थाले सेवा प्रवाहमा सहजता, समय बचत तथा प्रशासनिक पारदर्शिता अभिवृद्धि गर्ने अपेक्षा गरिएको छ।
उक्त पहल नेपालको संविधान २०७२ ले स्थानीय तहलाई प्रदान गरेको अधिकारको कार्यान्वयनसँग सम्बन्धित छ र सेवा विकेन्द्रीकरणमार्फत नागरिकको सेवा पहुँच सुधार गर्ने उद्देश्यमा केन्द्रित रहेको छ।
